Një shqiptar lëndime trupore, si pasojë e zjarrit që kaploi një autobus, mbrëmë në Fribourg të Zvicrës.
IndeksOnline ka konfirmuar se F.Morina, shtetas i Kosovës, është lënduar lehtë në duar, nga flakët që përfshinë autobusin.
Në një komunikim me vëllain e viktimës, IndeksOnline mësoi se i njëjti është duke u trajtuar në spital, për plagë të lehta.
Ky është rasti i vetëm i konfirmuar deri më tani, teksa nuk dihet ende nëse ka të lënduar të tjerë shqiptarë.
IndeksOnline në mëngjes ka kontaktuar edhe ambasadorin e Kosovës në Zvicër, Mentor Latifin, i cili pohoi se Ambasada nuk ka ende ndonjë informacion, teksa policia po punon në identifikimin e viktimave.
Mbrëmë rreth orës 18:25, në qendër të Kerzers, një autobus me pasagjerë u përfshi nga zjarri – në rrethana ende të pasqaruara.
Dyshimet e para asociojnë me zjarrvënie të qëllimshme nga një person i panjohur. Autoritetet janë duke e hetuar rastin.
Deri më tani është konfirmuar vdekja e 6 personave, dhe lëndimi i disa të tjerëve.
Në pamjet e publikuara në rrjete sociale që nga dita e djeshme shihet se, teksa flakët kaplojnë mjetin, dëgjohen britma e të thirrura, si në gjuhën gjermane, ashtu edhe në shqip.
IndeksOnline do vazhdojë t’iu mbajë të informuar rreth rastit.
