Politikani shqiptar në Itali, që është është kandidat në zgjedhjet rajonale të 23 nëntorit në dy provinca italiane, Venezia dhe Treviso, e ka takuar Papën.
Salihu i ka kërkuar Papa Leonit XIV njohjen e Republikës së Kosovës.
“Ndihem shumë i lumtur që ndodhem këtu sot. Ju sjell përshëndetjet e komunitetit shqiptar në Itali dhe admirimin e respektin e thellë që populli shqiptar dhe kudo ata ndodhen në botë, ushqejnë për Ju.
Unë i përkas shqiptarëve që jetojnë në Serbi, një komuniteti prej rreth 200 mijë banorësh. Aktualisht, në Jug të Serbisë po zhvillohet një spastrim etnik dixhital përmes pasivizimit të adresave. Ndërkohë që ky proçes po vazhdon, Serbia i deklaron Komunitetit Ndërkombëtar se kjo çështje do të zgjidhet me arritjen e Marrëveshjes përfundimtare me Kosovën.
Prandaj, Shënjtëria Juaj, njohja e Republikës së Kosovës nga Selia e Shenjtë do t’i jepte fund këtij deportimi modern.
Për këtë çështje, unë u kam dorëzuar bashkëpunëtorëve Tuaj një material të detajuar.
Edhe një herë, Ju shpreh mirënjohjen e thellë për pritjen e ngrohtë që më rezervuat” i ka thënë Salihu, Papës./Indeksonline
