‘Derby della Madonnina’, pritet të jetë i zjarrtë sonte mes Milanit dhe Interit.
Por para ndeshjes derbi, trajneri i Milanit Vincenzo Montella ka dalë në një darkë pune.
Montella ishte në darkë me yllin e Interit, Stevan Jovetic për ta bindur atë t’i bashkohet Milanit në janar.
Mediat italiane kanë zbuluar se Montella po tenton me gjitha forcat transferimin e Joveticit në ‘San Siro’.
Dyshja kishte punuar së bashku edhe sa ishte malazezi në Fiorentina ku po kalonte formën më të mirë në karrierë.
Stevan Jovetic dhe Vincenzo Montella gjatë kohës sa ishin pjesë e Fiorentinës
Darka e Montellas me Joveticin është zbuluar nga mediat italiane, ndërsa malazezi është kritikuar për këtë gjë që e ka bërë para derbit.
Milan pritet të dërgojë një ofertë prej 12 milionë euro për transferimin e Joveticit. /Telegrafi/
