“Qeni është shoku më i mirë i njeriut”. Është një mënyrë e njohur për të thënë që shpesh abuzohet, por që vetëm pjesërisht tregon se sa intime, autentike dhe plot dashuri mund të jetë marrëdhënia që lidh një qenie njerëzore me mikun e tij me katër këmbë.
Një marrëdhënie e besnikërisë absolute e qenve ndaj pronarëve të tyre, por ndonjëherë rezulton se realiteti ka të ngjarë të jetë edhe më i bukur se fantazia.
Historia që po përhapet si zjarri në rrjet është ajo e James dhe Mahe. James është nëntë vjeç dhe Mahe është qeni i tij i cili, 3 vjeç.
ShkodraNews shkruan: James është një fëmijë autik dhe jeton në Wellington, Zelandë e Re. Kur filloi të përkeqësohej, ai u shtrua në spital për disa ditë pasi i duhej të qëndronte nën vëzhgim për njëzet e katër orë në ditë.
Për një fëmijë kaq të vogël, spitali nuk është një mjedis i lehtë për të jetuar, veçanërisht për një kohë të gjatë. Duke e ditur këtë, mjekët i kanë dhënë mundësinë që ta mbante qenin Mahe pranë.
Qeni ka qëndruar pranë pronarit të tij të vogël, pa krijuar asnjë problem ose shqetësim për stafin e spitalit, shkruan ShkodraNews. Tregimet e nënës së tij zbulojnë se ai e mbikqyri James-in gjatë gjithë kohës dhe në sytë e tij ishte e mundur të shihej edhe një shqetësim i madh, duke dëshmuar për faktin se ai e perceptonte situatën problematike.
Këto ishin kohë të vështira, veçanërisht për familjen e James, por mund të themi që një qen i thjeshtë në një pamje sipërfaqësore na doli të ishte një engjëll i vërtetë mbrojtës. Një shembull i besnikërisë autentike.
Tani që kanë kaluar pothuajse dy vite që kur fëmija ka dalë nga spitali, marrëdhënia mes këtyre dyve është edhe më e fortë.
Këta dy miq të shkëlqyer arritën të kapërcejnë një moment shumë të vështirë së bashku, për fat të mirë mjekët nuk i ndanë kurrë. Çfarë mendoni për kafshët në spitale si një mbështetje psikologjike për pacientët? Lini një koment dhe mos harroni të ndani këtë histori të mrekullueshme me miqtë tuaj. /Përshtati: ShkodraNews
