Një defekt lë pa rrymë gjysmën e Berlinit
Energjia elektrike iu ndërpre sot 50 mijë familjeve dhe 2 mijë bizneseve në jugperëndim të Berlinit, pas një zjarri që preku një lidhje kabllore të rrjetit, tha ofruesi i ”Stromnetz Berlin”.
Policia po hetonte zjarrëvënie të mundshme, pasi një sulm i motivuar politikisht shkaktoi një ndërprerje të ngjashme në juglindje të kryeqytetit gjerman në shtator.
“Për shkak të dëmeve të konsiderueshme të shkaktuara, riparimi i kabllove do të zgjasë shumë”, tha “Stromnetz Berlin”, ndërsa punimet vazhduan në kabllot e furnizimit të përkohshëm.
“Ne po mbështetemi në rivendosjen e plotë të furnizimit për të gjithë klientët deri të enjten pasdite”, shtoi ai.
Lexo edheNjë pauzë një javore nga rrjetet sociale sjell këto efekte pozitive në shëndetin mendor
Ofruesi tha se moti i ftohtë po pengonte punën. Një zëdhënës i shërbimeve të zjarrfikësve tha se alarmi kishte rënë pak pas orës 06:00 (05:00 GMT).
”Ndër objektet që kishin nevojë për ndihmë ishte një shtëpi për të moshuarit”, tha ai.
Ndërprerja goditi ndriçimin e rrugëve, telekomunikacionin celular, semaforët dhe frigoriferët e supermarketeve, si dhe familjet private, duke mbyllur sistemet e ngrohjes ndërsa temperaturat luhateshin rreth pikës së ngrirjes.
