Dega e Nismës në Drenas ka ngushëlluar familjen Lladrovci për vdekjen e Muhamet Lladrovcit. Nisma në Drenas ka shkruar se Baca Tush dhe familja tij ishte gjithmonë në shërbim të atdheut, ku kontributi i familjes Lladrovci la gjurmë në historinë tonë më të re.
Në letrën ngushëlluese të degës së Nismës në Drenas shkruan:
Me keqardhje pranuam lajmin për vdekjen e Muhamet Lladrovcit apo siç e thërrisnin mbarë Drenica edhe më gjerë Baca Tush, babait të dëshmorit dhe heroit tonë, Fehmi Lladrovci. Baca Tush dhe familja tij ishte gjithmonë në shërbim të atdheut, ku kontributi i familjes Lladrovci la gjurmë në historinë tonë më të re.
NISMA për Kosovën – dega në Drenas u shpreh ngushëllime më të përzemërta të gjithë familjarëve e miqve, te të ndjerit, Tush Lladrovci. Ngushëllime!
NISMA për Kosovën – Dega në Drenas
Isa Xhemajlaj – Kryetar i Deges
