Komuna e Gjilanit njofton se ka filluar trajnimi i 1 mijë e 400 mësimdhënësve.
Kryetari i komunës, Alban Hyseni, e ka cilësuar këtë si një hap të rëndësishëm drejt fuqizimit të sistemit arsimor.
“Nisëm zyrtarisht trajnimin për 1,392 mësimdhënës, të cilët do të kenë mundësinë të përfitojnë falas nga programet cilësore të zhvillimit profesional”, tha Hyseni.
Ai shtoi se kjo është një mundësi për ngritjen profesionale të mësimdhënësve tanë dhe përmirësimin e cilësisë së mësimdhënies për nxënësit.
Ndryshe, për të parë nga afër nisjen e këtij procesi, bashkë me kryetarin i pranishëm ishte edhe drejtori i Arsimit, Shpend Nuhiu. /Telegrafi/
