Nga Peja: Islamin mos ta përfaqësojë gjithkush
Në qytetin e Pejës, si çdo qytet të Kosovës është mbajtur falja e Kurban Bajramit.
Këtu në “Bajrakli Xhamia” pjesëmarrës kanë qenë afro 800 qytetarë, njofton Klan Kosova.
Imami i xhamisë, Musli Arifaj në fjalimin e tij ka përcjell disa mesazhe në drejtim të besimtarëve, ndër të tjera edhe atë që feja islame është më e mira dhe se nuk duhet të lihet që një pakicë e cila nuk shkon përkitazi me rregullat e kësaj feje ta përfaqësojnë atë.
Lexo edheKurban Bajramit u fal edhe në veri të Mitrovicës
Më tej Arifaj thotë se në këtë ditë njerëzit duhet mbajtur lidhjet farefisnore, duke bërë vizita te njëri tjetri.
Pastaj ai ka shpjeguar edhe shpërndarjen e mishit të Kurbanit, që duhet ndarë në tri pjesë dhe duhet dhuruar jo vetëm atyre që i përkasin fesë islame.
