Temperaturat në vendin tonë do të jetë nën ndikimin e masave ajrore relativisht të nxehta, të cilat do të lëvizin dhe për këtë do të ketë reshje të dobëta shiu, si dhe breshër të intensitetit të dobët.
Eksperti i meteorologjisë, Sylë Tahirsylaj, bën të ditur se nga e hëna do të ketë reshje shiu. Ai thekson se nga dita e premte deri të hënën nuk do të ketë të reshura atmosferike, mirëpo temperaturat minimale do të luhaten nga 14-16 gradë Celsius, ndërsa maksimalet 28-32 gradë celsius.
“Këto temperatura janë të pranueshme në bazë të të dhënave historike, pasi muaji më i nxehtë është muaji korrik”, ka thënë ai.
Tahirsylaj theksoi, po ashtu, se nga dita e hënë ka reshje të dobëta shiu por temperaturat do të jenë si në javën që po lëmë pas.
“Këto reshje kanë efekte pozitive në kushtet hidrike të tokës dhe përcillen tek nivelet e ujë-nxjerrësve për nevojat e qytetarëve”, ka thënë Tahirsylaj.
