Komuna e Drenasit ka bërë të ditur se nesër do të bllokohet njëra ndër rrugët kryesore të qytetit.
Në njoftimin e komunës thuhet:
Njoftim për qytetarë
Komuna e Drenasit, përkatësisht Drejtoria e Shërbimeve Publike dhe Emergjencë, njofton të gjithë qytetarët se me datën 30.05.2019 (e enjte) duke filluar nga ora 11:00 deri 13:30, rruga “Ilaz Kodra” do të jetë e bllokuar për arsye se në sheshin “Fehmi Lladrovci” në Drenas do të mbahet manifestimi qendror për përurimin e shtatoreve të Heronjve Rasim Kiçina dhe Bedri Shala.
Prandaj, me mirëkuptim, kërkojmë nga qytetarët që këtë ditë të shfrytëzojnë rrugët alternative për qarkullim të automjeteve, përkatësisht rrugën “Xhevat Demaku”. Po ashtu parkingu te Relaxi, parkingu te banesat e kuqe dhe parkingu kryesor duhet të jenë të liruar.
Ju faleminderit për mirëkuptim!
