Dele Alli i Tottenham është përshkruar si një “lojtar perfekt”, i cili mund të thyejë rekordin e mesfushorit të Manchester Unitedit, Paul Pogba, thotë Jamie Redknapp.
“Djajtë e Kuq” thyen rekord gjatë verës që lamë pas duke transferuar Paul Pogban nga Juventusi për 89 milionë euro, transmeton Gazeta Express.
Por, Pogba ka dështuar të ketë në Premierligë impaktin si në Serie A dhe sipas ish-mesfushorit të Tottenham, Jamie Redknapp, Dele Alli momentalisht është më i mirë se francezi.
“Nëse do të kishit pyetur në fillim të sezonit se cili nga Paul Pogba e Dele Alli do të vlente më shumë në maj, francezi do të kishte fituar pa asnjë diskutim”, tha fillimisht Redknapp.
“Pas një sezoni të mrekullueshëm, Alli tashmë ka lënë prapa Pogban”, shtoi ai.
“Nëse mesfushori i Unitedit kushtoi 89 milionë funte dhe theu rekord, atëherë sa duhet të kushtojë Alli? Ai është duke u bërë lojtar i kompletuar. Më pëlqen loja që ai bën, thjesht do të bëhet më i miri”, shtoi Redknapp. /Express/
