Me datën 13 Dhjetor 2016, është arritur të arrestohet i dyshuari F.SH., 27 vjeçar, i cili dyshohet për kryerjen e veprës penale ‘grabitje’, e cila është raportuar me datën 23 Nëntor 2016, rreth orës 01:15.
Nga hetimet e deritanishme, bazuar në deklaratën e viktimës, me datën 23 Nëntor 2016, rreth orës 01:15, i dyshimti kishte kërkuar nga viktima që me ‘Taxi’ ta dërgonte deri në fsh. Galicë- Vushtrri, dhe gjatë rrugës, afër fshatit Kollë, i dyshuari nën kërcenim të armës, i kërkon të gjitha parat dhe telefonin, ku në këtë rast, viktimës nga i dyshimti në fjale i grabiten 6 euro dhe telefoni Galaxy S4.
Pas një pune intensive nga hetuesit e rastit është arritur të identifikohet i dyshuari dhe të lokalizohet lokacioni i të njëjtit, ku dhe është arritur të arrestohet i dyshuari F.SH, 27 vjeçar, ku si provë materiale është konfiskuar telefoni Galaxy S4, në një mobil shop, të cilin e ka shitur i dyshimti në fjalë.
Me urdhër të Prokurorit të Shtetit, të dyshuarit F.SH., 27 vjeçar, iu është caktuar masa e ndalimit për 48 orë, dhe është inicuar rasti ’Grabitje’ kurse ndaj blerësit të telefonit, hapet rasti ‘pranim i mallrave të vjedhura’.
