Një grabitje nën kërcënimin e armëve ka ndodhur në Skenderaj. Siç raporton Policia e Kosovës, thuhet se disa përsona të armatosur me revole, kanë ndaluar rreth orës 21 e 20 minuta një qytetar gjërsa po udhëtonte me makinë, ku nën kërcënimin e armëve i kanë marrë kuletën me gjithë para, shkruan Drenica Press.
Policia e Kosovës thotë se grabitësit janë larguar në drejtim të panjohur, ndërsa përsoni i grabitur ka lajmëruar Policinë në Skenderaj, ku rasti është duke u hetuar.
Ky është raporti i Policisë së Kosovës: Ankuesi mashkull /Kos. ka raportuar se deri sa ishte duke udhëtuar me veturën e tij, është ndaluar nga tre persona të dyshuar të armatosur me revole dhe të njëjtit i kanë grabitur viktimës kuletën me 100 €, dhe ishin larguar në drejtim të pa njohur. Nuk raportohet për të lënduar, rasti është duke u hetuar./DRENICA PRESS/
