Në Skenderaj dhe në Drenas raportohet se dje janë evidentuar dy raste vdekjesh të dyshimta.
Në raportin e sotshëm të Policisë së Kosovës bëhet ditur se dje, në rrugën “28 Nëntori” të Skenderaj në orën 13:55, një mashkull është gjetur pa shenja jete në banesën e tij. Në vend të ngjarjes kanë dalë njësitë policore dhe ekipi i ndihmës së shpejtë, të cilët kanë konstatuar se viktima nuk ka shenja jete. Me urdhër të prokurorit trupi i pajetë është dërguar në Institutin e Mjekësisë Ligjore për obduksion, transmeton Drenica Press.
Po dje, në Drenas, në orën 22:00, një mashkull është gjetur i shtrirë pa shenja jete, thuhet në raportin e Policisë së Kosovës. Në vend të ngjarjes, sipas raportit, kanë dalë njësit policore dhe ekipi i ndihmës së shpejtë, të cilët kanë konstatuar se viktima nuk ka shenja jete.
Me urdhër të prokurorit trupi i pajetë është dërguar në Institutin e Mjekësisë Ligjore për obduksion.
