Edhe pse është mjaft e mirë për kujdesin e lëkurës, soda eliminon thartirat natyrale të lëkurës dhe krijon kushte të përshtatshme për përhapje të akneve.
Me siguri keni njohuri për dobi të shumta fenomenale të sodës së bukës, të cilat e tejkalojnë përdorimin e saj në kuzhinë.
Ky artikull, mes tjerash, ju ndihmon në mbajtjen e higjienës në amvisëridhe në kujdesin për bukurinë.
Mirëpo, në disa situata megjithatë duhet të shmanget.
Ja kur soda e bukës nuk është zgjidhje ideale:
1. A vuani shpesh nga djegësira? Soda e bukës në ato situata është jashtëzakonisht efikase, mirëpo nuk duhet tepruar. Nëse shpesh ju mundojnë këto probleme, patjetër duhet të shkoni te mjeku.
2. Edhe pse soda e bukës është mjet i shkëlqyeshëm për pastrim në amvisëri, mos e përdorni në enë alumini. Mund të shkaktojë ndikime të padëshirueshme dhe në enë mund të shfaqen njolla.
3. Nëse e lini vetëm të hapur qesen e sodës së bukës në frigorifer apo e qitni në enë, nuk do të jetë aq e efektshme për neutralizimin e aromave të pakëndshme. Për efekt më të mirë duhet të derdhet soda nëpër tabaka dhe të mbahet në një raft të frigoriferit.
4. Me siguri e dini që soda e bukës mund të përdoret edhe për shuarjen e vajit të ndezur. Mirëpo, kjo nuk është procedurë e thjeshtë. Madje edhe nëse keni në afërsi sasi të madhe të sodës, nuk ekziston distancë e sigurt nga e cila do të mund të qitni sodën në tigan apo në tenxhere e cila digjet.
5. Soda e bukës ka përdorime shumë të dobishme për kujdesin e trupit. Mirëpo, duke pasur parasysh që është substancë alkale, nuk rekomandohet në shërimin e akneve. Në të vërtetë, soda eliminon thartirat natyrale në lëkurë, me çka krijohen kushte të përshtatshme për përhapjen e akneve.
6. Mbase ndikojnë ngjashëm, mirëpo soda e bukës dhe pluhuri për ëmbëlsira nuk e kanë efektin të njëjtë. Të dy këto produkte krijojnë dyoksid karbon në kushte të caktuara, me çka u japin teksturë të shkëlqyeshme ëmbëlsirave. Mirëpo, soda e bukës reagon bashkë me thartirat të cilat tashmë gjenden në ushqime. Nga ana tjetër, pluhuri për ëmbëlsira ka thartirë. Për këtë shkak nuk është i mirë zëvendësimi reciprok.
