Në rajonin e Mitrovicës, në dy lokacione të ndryshme janë konfiskuar dy armë.
Rasti i parë i konfiskimit është bërë dje me datën 02 tetor rreth orës 19:40, në zonën e Vushtrrisë, ku pas marrjes së informatës policia ka kontaktuar personin F.S., 50 vjeçar, i cili e ka dorëzuar një revole model 85, prodhim çekosllovak, kalibri 9 mm, me një karikator dhe 8 fishekë të kalibrit 9 mm.
Ndërsa rasti i dytë i konfiskimit ka ndodhur sot me 03 tetor 2018, rreth orës 00:20, në Mitrovicë, ku gjatë një pike të kontrollit nga policia është ndaluar një automjet, dhe gjatë kontrollimit, drejtuesit të automjetit D.F., 28 vjeçar i është gjetur një pistoletë.
Si dëshmi materiale nga policia është konfiskuar pistoleta prodhim ‘Zastava’, cal. 6.35, pesë fishekë dhe një karikator, për të cilën i dyshuari nuk posedonte leje për armë.
Në të dy rastet, pas procedurave intervistuese të dyshuarit janë liruar për procedurë të rregullt.
Ndaj tyre janë iniciuar raste për veprat penale ‘mbajtje në pronësi, kontroll ose posedim të paautorizuar të armëve’.
