Ish-ministri i Mjedisit dhe Planifikimit Hapësinor, Ferat Shala, nëpërmjet një postimi në Facebook, ka bërë të ditur se axha i tij ka ndërruar jetë, raporton DrenicaPress.
Sipas Shalës, Beqir Shala ka ndërruar jetë në moshën 82-vjecare. Varrimi i të ndjerit do të bëhet nesër (06.04.2019) prej orës 15:00.
Lexojeni të plotë postimin e Ferat Shalës:
Të nderuar familjarë, miq, kolegë e dashamirës!
Me pikëllim të thellë ju njoftoj se sot në moshën 82 vjeçare ka ndërruar jetë axha im Beqir Shala. Mixha Beqë babai i dëshmorit Hasan Shala, ishte mbështetës dhe përkrahës i lëvizjes çlirimtare dhe burrë i urtë e i dashur për të gjithë.
Për mua ishte më tepër se një axhë, ishte krahu im i djathtë për shumë çështje e organizime.
Lamtumirë mixha Beqë, kujtimi për ty do mbetet përherë i gjallë mes nesh përmes fjalëve, urtësisë dhe punëve të mira që i le pas vetes.
Varrimi bëhet nesër (06.04.2019) prej orës 15:00.
