Skenderaj ka humbur sot një nga mjekët më të përkushtuar dhe më të dashur të qytetit, Zenel Dobranin. Tashmë i ndjeri ishte i njohur për humanizmin dhe punën e tij të palodhur, ai vazhdoi ta ushtrojë profesionin edhe pas daljes në pension, duke iu gjendur pranë pacientëve deri në frymën e fundit, shkruan Drenica Press.
Familja e tij ka bërë të ditur lajmin e trishtë me fjalët prekëse: “Sot Zoti mori pranë vetes babain tim të dashur. Uroj që shpirti yt të pushojë në paqe dhe drita e Zotit të ndriçojë rrugën tënde në amshim. Do të mungosh përjetësisht, babi.”Ceremonia e varrimit do të mbahet sot, në ora 16:00, në varrezat e qytetit në Polac.
Pas njoftimit të ndarjes nga jeta të doktor Zenel Dobranit, kanë pasuar shumë reagime nga figura të ndryshme të Skenderajt, duke shprehur ngushëllime dhe mirëmjohje për kontributin e tij ndër dekada./DRENICAPRESS/
