Në shenjë respekti për punën e madhe që ka bërë doktor Fadil Beka gjatë luftës, duke operuar shumë ushtarë të plagosur të UÇK-së dhe civilë, pikërisht në ditëlindjen e komandantit Mujë Krasniqi i është ndarë dekorata nga Organizata e Veteranëve të Luftës, transmeton Drenica Press.
Këtë dekoratë në emër të Organizatës së Veteranëve të Luftës e ndau kryetari i kësaj organizate Hysni Gucati dhe babai Komandantit Mujë Krasniqi.
Kjo mirënjohje u nda pikërisht në ditëlindjen e Mujë Krasniqit, pasi pikërisht në këtë datë u bë ndërhyrja e parë kirurgjike nga doktor Fadil Beka. Poashtu u nderua edhe Hysni Shabani komandant i Brigadës 113./DRENICA PRESS/
- Advertisement -
