Naser Ramadani: 1 mijë testet e pranuara nga Serbia, nuk janë përdorur

Kryetari i Institutit të Shëndetësisë Publike të Kosovës, Naser Ramadani ka raportuar sot para Komisionit Hetimor Parlamentar për menaxhimin e COVID-19.
Ramadani ndër të tjerash në raportim e sipër tha se 1000 testet e pranuara nga shteti serb, nuk janë përdorur, transmeton Indeksonline.
Ramadani deklaroi se më 7 janar kanë bërë kërkesën për furnizimin me reagensë, menjëherë pas konfirmimit të rasteve të para me koronavirus nëpër vende të ndryshme të botës.

Lexo edheTurqia e ndihmon Kosovën në luftimin e pandemisë
“Komiteti për Sëmundjet Ngjitëse është formuar në javën e tretë të janarit. Është komunitet i përgjithshëm që ka të bëjë me sëmundje ngjitëse e ku hyn edhe pandemia COVID-19. Së pari është bërë plani për gatishmëri dhe reagim për COVID-19 dhe i është dërguar ministrit. Ka qenë që të themelohet komiteti drejtues ku hyjnë ministri, sekretari i përhershëm dhe të aktivizohet plani i reagimit kombëtar. Më 7 janar kemi bërë kërkesën për furnizim me reagensë, menjëherë pas konfirmimit me rastet e para me COVID-19. Ekipi mjekësor ka ekzistuar në aeroport, por më pas ne kemi dërguar edhe ekipe plotësuese”, tha Ramadani./Indeksonline/








