Mbrojtësi i Arsenalit, Shkodran Mustafi, ka lavdëruar rolin e Per Mertesackerit në karrierën e tij si futbollist.
Dyshja ishte pjesë kyçe e Gjermanisë në Botërorin 2014 sivjet është bashkuar edhe te “Topçinjtë”.
“Per më ka ndihmuar shumë”, ka thënë Mustafi për “Arsenal Player”. “Kur arrita këtu, dhe kisha një futbollist në klub me kaq shumë përvojë dhe me personalitetin që ai ka më ka ndihmuar shumë”, tha Mustafi.
Ai më ndihmon edhe në fushë sepse i sheh gjërat dhe më përmirëson shpeshherë. Ai nuk është tip i futbollistit që thotë ‘Nuk e ke bërë mirë këtë’ ose ‘Duhet ta bësh kështu’, ai të tregon përse. Në pak kohë sa isha me të në përfaqësuese, kam mësuar shumë”.
Mustafi akoma nuk ka pasur paraqitje të përbashkët me Mertesackerin për shkak të lëndimit të gjermanit.
