Webfaqja e KQZ-së ka disa gabime të cilat cënojnë sigurinë e saj.
Këto gabime, sipas profesorit Blerim Rexha, janë një pikë kërcënimi për sulmues potencial, transmeton klankosova.tv.
Profesori i sigurisë kibernetike tha për Kiksin se sistemi i KQZ-së ia lejon të vendosë vota në sistem çdokujt që i ka kredencialet për t’u futur në këtë faqe.
”Faqja e numërimit të rezultateve në qendrat e numërimit që sipas mendimit tim nuk do të duhej të ishte publike. Kjo duhej të ishte brenda rrjetit qeveritar dhe jo dikush nga jashtë të marrë qasje. Tani, vetëm po e marr një skenario në rastin e sulmit, çka nëse unë i di kredencialet e dikujt që është atje dhe i cili për çfarëdo arsye i ka nda me mu dhe unë filloj tani me qit vota. Prandaj, kjo faqe ka vend për përmirësime”.
Ai thotë se në këtë sistem nuk do të duhej të kishte qasje askush nga jashtë insitucionit apo nga jashtë shkollës ku bëhet numërimi i votave, që numërimi të jetë vetëm brenda rrjetit qeveritar.
