Modriq: Kam luajtur te klubi më i madh në botë, por Milani është në të njëjtin nivel

Luka Modric ka folur për pritjen që ka marrë pas transferimit te Milani, duke theksuar se dashuria e tifozëve e ka impresionuar që nga dita e parë.

Mesfushori kroat tha se pritja në Milano ka qenë edhe më e mirë nga sa e kishte imagjinuar, ndërsa theksoi mbështetjen e madhe që ka ndjerë si në rrugë, ashtu edhe në rrjetet sociale, shkruan Indeksonline

“Ishte fantastike, më mirë nga sa mund ta kisha imagjinuar. E ndjeva dashurinë që nga dita e parë, kudo: në rrugë, në rrjetet sociale, kudo”, deklaroi Modriq.

Fituesi i “Topit të Artë” shtoi se kjo dashuri e ka motivuar që t’ua kthejë tifozëve dhe klubit besimin e dhënë, duke premtuar se do të japë gjithçka për ta përfaqësuar sa më denjësisht fanellën kuqezi.

“Kur ndjen kaq shumë dashuri, e vetmja gjë që dëshiron të bësh është t’ua kthesh diçka tifozëve dhe klubit dhe të japësh gjithçka nga vetja për ta përfaqësuar Milanin në mënyrën më të mirë të mundshme”.