Në Kçiq të Madh të Mitrovicës një veturë mbrëmë ka goditur një këmbësor, më pas ka humbur drejtimin dhe ka goditur edhe dy vetura të tjera. Lajmi është konfirmuar nga Policia e Kosovës ku thuhet:
Ka ndodhur një aksident trafiku në të cilin janë përfshirë tri vetura dhe një këmbësor. I dyshuari mashkull K-Shqiptar deri sa ishte duke lëvizur me veturë, dyshohet nga pakujdesia dhe mospërshtatja e shpejtësisë së lëvizjes me kushtet e rrugës , ka goditur këmbësorin -viktimën mashkull K-Shqiptar dhe më pas ka humbur drejtimin dhe ka goditur dhe dy automjete të cilat ishin të parkuara jashtë rruge. Si pasojë, lëndime trupore kanë pësuar viktima-këmbësori, i dyshuari dhe katër persona tjerë-pasagjer. Të lënduarit janë dërguar për tretman mjekësor ne Spitalin e Mitrovicës. /Drenica Press/
