Kryetari i Komunës së Mitrovicës, Agim Bahtiri, ka marrë vendim që në krye të drejtorisë për Bujqësi dhe Zhvillim Rural ta emëroj Nasuf Aliun, i cili deri më tash ishte anëtar i KQZ-së nga radhët e AKR-së, ndërsa në periudhën 2009-2013 ishte drejtor i Drejtorisë për Ekonomi, Bujqësi, Pylltari dhe Zhvillim Rural në komunën e Vushtrrisë.
Emërimin e tij në krye të kësaj drejtorie e ka konfirmuar për drenicapres.info, vetë z.Aliu, duke deklaruar se synon që këtë drejtori ta shndërroj në Drejtori të Përgjithshme për Zhvillim Ekonomik.
