Ministri i Bujqësisë, Pylltarisë dhe Zhvillimit Rural, Armend Muja, ka nënshkruar vendimin për autorizimin e pagesës së detyrimeve të mbetura nga Programi i Pagesave Direkte për vitin 2025.
Me këtë vendim, Agjencia për Zhvillimin e Bujqësisë (AZHB) obligohet të procedojë menjëherë ekzekutimin e pagesave për të gjithë përfituesit e verifikuar sipas listave përfundimtare të miratuara në kuadër të Programit.
Pagesat do të realizohen nga buxheti i Republikës së Kosovës, në përputhje me alokimet buxhetore për sektorin e bujqësisë dhe procedurat e zbatueshme të Thesarit të Kosovës.
Departamenti për Buxhet dhe Financa në AZHB, në bashkëpunim me Thesarin, do të ndërmarrë të gjitha veprimet e nevojshme për realizimin e pagesave në përputhje me legjislacionin në fuqi për menaxhimin e financave publike.
Sipas vendimit, Agjencia duhet të raportojë tek Ministri brenda pesë ditëve për progresin e realizimit të pagesave.
Ky vendim krijon mundësinë për që subvencionet bujqësore të mbetura për vitin 2025 të arrijnë sa më shpejt tek përfituesit. /Lajmi.net/
