Deputeti i Nismës Socialdemokrate Milam Zeka në interpelancën e ministrit të Zhvillimit Ekonomik Valdrin Lluka në Kuvend i tha këtij të fundit se edhe nesë futesh në burg nuk ka lidhje, e përballon sepse je djale i ri.
“Ti me ra në burg nuk ka lidhje se je djalë i ri e përballon”, është shprehur Zeka.
Zeka po ashtu kërkoi hetime lidhur me paratë e ndërkombëtarëve të dedikuara për energji elektrike.
Ai tha se ndërkombëtarët thonë që i kanë dhënë rreth 800 milionë euro për termocentrale dhe pavarësisht kjo Kosova vazhdon të ketë mungesë të energjisë elektrike.
“Kisha pasur dëshirë të kërkoj nga Qeveria e Kosovës, meqenëse kemi mbingarkim të këshilltarëve, mbingarkim të zv.ministrave, është një armatë e tërë që gjithë ditën rrinë me telefona në dorë, të bëhet një hetim se ku kanë shkuar paratë e UNMIK-ut dhe EULEX-it të dedikuara për energjinë elektrike në Kosovë”, tha ai.
Zeka tha se dyshon se po bëhet lojë e madhe me paranë publike./Periskopi
- Advertisement -
