Në Komunën e Vitisë ka ndodhur një rast i dhunës në familje, në rrahje janë përfshirë një çift dhe vllau i gruas, transmeton Gazeta Metro.
Pasi burri kishte sulmuar bashkëshorten e tij duke e rrahur, në rast është përfshirë edhe vëllai i saj.
Ai pasi ka parë sulmin ndaj motrës së tij, ka sulmuar fizikisht dhëndrin e tij, transmeton Gazeta Metro.
Pas këtij rasti tre personat kanë marrë tretman mjekësor, ndërsa burri i cili ka ushtruar dhunë fizike ndaj gruas së tij është dërguar me vendim të prokurorit në mbajtje.
“Është arrestuar i dyshuari mashkull K/Shqiptar, i cili pas një mosmarrëveshje në shtëpinë e tij e kishte sulmuar bashkëshorten e tij – viktimën femër K/Shqiptare. Në rast ishte përfshirë edhe i dyshuari mashkull K/Shqiptar vëllai i viktimës, i cili e kishte sulmuar të dyshuarin e parë. Të tre personat kanë pranuar tretman mjekësor, ndërsa pas intervistimit i dyshuari i parë me vendim të prokurorit, është dërguar në mbajtje”, thuhet në raportin e policisë./gazetametro.net
