Besim Aliu, meteorolog nga Instituti Hidrometeorologjik i Kosovës ka konfirmuar për “Gazeta Blic” se gjatë orëve të vona të natës do të ketë reshje bore, çka do të çojë në ulje të temperaturave në vlera ekstreme.
“Vonë natën do të ulen temperaturat dhe këto reshje shiu që kanë fillu do të kthehen në reshje bore. Temperaturat do të ulen për 4 apo 5 ditë dhe do të bijnë në 2 vlerat ekstremale, edhe maksimalet, edhe minimalet. Maksimalet do të shkojnë në 2-3 gradë, minimalet do shkojnë në -7, -6”, ka thënë Aliu për Gazetën Blic.
Ai ka thënë se era e cila ka filluar, do të bëhet edhe më e fuqishme në pjesën tjetër të natës, ku më të forta do të ndihen në Istog e në jug të Kosovës.
“Sonte vonë këto erëra do të jenë më të fuqishme. Erëra më të fuqishme priten në Istog, pastaj prej Istogut në drejtim të Jugut, që e përfshin Rahovecin, deri te Suhareka”, tha ai.
