Pas emërimit të Shpend Maxhunit si Drejtor i Agjencisë së Kosovës për Inteligjencë, mësohet se Rashit Qala, me shumë gjasë do të vie në krye të Policisë së Kosovës.
“Gazeta Blic”, nga burimet e saj të afërta me Policinë e Kosovës, mëson se Rashit Qala do të jetë Drejtori i ri i Policisë së Kosovës.
Deri tani, pozitën e ushtruesit të detyrës të Drejtorit të Policisë së Kosovës e ka Naim Rexha, i cili njëherit është edhe zëvendësdrejtor i PK-së.
Kujtojmë se ditë më parë Drejtori i Policisë së Kosovës, Shpend Maxhuni është emëruar zyrtarisht Drejtor i AKI-së. Ky vendim është marrë nga Presidenti i Republikës së Kosovës, Hashim Thaçi, bashkë me kryeministrin e vendit, Ramush Haradinaj.
Theksojmë se, Maxhuni u emëruar Drejtor i AKI-së pas shkarkimit të Driton Gashit për rastin e arrestimit dhe deportimit të gjashtë shtetasve turq në shtetin e Turqisë. /GazetaBlic
- Advertisement -
