Rashica ka luajtur zyrtarisht me skuadrat e moshave të Shqipërisë ndërkohë që me Kombëtaren ka luajtur disa minuta në miqësoren e Katarit. Ndërkohë që De Biazi nuk e grumbulloi në Francë 2016 trajneri i Kosovës Bunjaku punoi shumë ta bindte psikologjikisht lojtarin të zgjidhte Kosovën.
Presidenti Vokrri evitoi të fliste me emra të përveçëm por konfirmoi që Kosova u ka bërë ofertë publike dhe private të gjithë kosovarëve që kanë luajtur me çdo përfaqësuese tjetër. Ata në 72 orët e ardhshme duhet të dërgojnë një letër në Fifa ku të konfirmojnë zyrtarisht të ardhmen e tyre.
Rashica është një ndër premtimet më të mëdha të futbollit shqiptar në vitet e fundit. Ai ka luajtur më parë në Vushtri në kampionatin vendas por më pas me ndihmën e jashtëzakonshme të ish kapitenit të përfaqësuese Lala arriti të trranferohej në kampionatin holandez. Rashica do bëjë debutimin me përfaqësuesen e Kosovës në ndeshjen e parë të elimiantoreve kundër Finlandës në Helsinki./Supersport/
