Lorik Cana, nëpërmjet një postimi në Facebook, ka dhënë mesazhin emocionues për pensionim nga Kombëtarja shqiptare
Mesfushori kosovar, Lorik Cana edhe zyrtarisht ka njoftuar se nuk do të luajë më për Kombëtaren shqiptare.
Cana, i cili ka luajtur 93 ndeshje me ekipin kuqezi, këtë njoftim e ka bërë nëpërmjet një mesazhi emocionues në Facebook.
Ky është mesazhi i Canës
Përshëndetje të gjithëve,
Siç edhe kam njoftuar pas “Euro 2016”, kam vendosur të pensionohem nga Kombëtarja shqiptare e futbollit.
Mendoj se është koha e duhur pas arritjes më të madhe në sportin shqiptar.
Ndihem i nderuar se kam përfaqësuar popullin dhe kombin tim gjatë gjithë karrierës sime.
Sapo i kam mbushur 33 vjet, dhe pas 14 viteve futboll të nivelit më të lartë, kam nevojë për kohë që të rimarr veten dhe t’i shëroj lëndimet.
Këtë verë vendos t’i refuzoj të gjitha propozimet që mu bën, në mënyrë që të jem në gjendje të kthehem i shëndetshëm dhe shpresoj se do të jem i gatshëm për arritje dhe projekte të reja.
Faleminderit të gjithëve për përkrahje
Gjithë të mirat,
Shihemi,
L.C
Romë,
1 shtator 2016.
