Rreth dy orë më parë, gazetari Valon Syla është sulmuar fizikisht nga një person pas postimeve që bëri për mërgatën.
Por këtij reagimi i është distancuar një mërgimtar, Driton Smakaj. Ai përmes një postimi tha se kushdo që e ka sulmuar Valon Sylën “nuk e ka bërë në emër të tij”.
“Edhe unë jam i diasporës. Kurrë e përjetë nuk e kisha sulmue asnjë gazetar për çfardo ofendimi ndaj meje. Kushdo që e ka sulmue, jo në emrin tim. Marre! Marre! Liria e shprehjes është baza e emokracisë!#freedomofspeech #freedomofchoice”, shkruan ai.
Gazetari Valon Syla është sulmuar fizikisht në qendër të Prishtinës. Rastin për Gazetën Express e ka konfirmuar edhe zëdhënsja e Policisë së Kosovës për rajonin e Prishtinës, Flora Ahmeti, ku thanë se kanë dalur në vendin e ngjarjes.
Madje në rrjetet sociale kanë dalur pamjet e para, ku shihet se si gazetari Syla sulmohet nga një person me grushte.
Ky sulm fizik ndaj gazetarit Syla vjen pas shkrimeve të tij lidhur me fluksin e madh të mërgatës që kanë ardhur në Kosovë gjatë këtyre ditëve.
