Kryetari i Komunës së Malishevës, Ragip Begaj, ka vizituar familjen e Tafil Malokut nga Pllaqica, i cili, kohë më parë i kishte humbur dy djemtë e tij, si pasojë e një vrasje të dyfishtë që kishte ndodhur në këtë familje. Me këtë rast, kryetari Begaj, krahas interesimit për gjendjen, e ka ndihmuar familjen, me shumë të caktuar të mjeteve materiale.
Përkrahja materiale (monetare) për familjen, është dhuruar nga buxheti familjar i kryetarit Begaj dhe nga buxheti familjar i bashkatdhetarit Muhamet Bytyçi, i cili jeton dhe punon në Gjermani, ndërsa mjetet i kishte dërguar përmes kryetarit Begaj, i cili gjatë këtij muaji, ishte takuar me bashkatdhetarët, në Gjermani. Kjo ndihmë, është bërë me qëllim solidaritetit me familjen në këtë muaj të shenjtë të Ramazanit dhe në pritje të festës së Bajramit.
“Ne e kemi parasysh gjendjen tuaj, por shpresoj që ju si familje të bëheni të fortë si deri më tani”, i tha kryetari Begaj, ndërsa e ka falënderuar edhe mërgimtarin Bytyçi, për këtë ndihmë, e cila do të vazhdohet edhe në disa familje tjera.
Nëdrsa Tafil Malokut, babai i dy djemve të vrarë, e ka falënderuar kryetarin Begaj, për interesimin e vazhdueshëm për familjen e tij.
