Mërgim Lushtaku: Kërkesa për 180 vjet burg ndaj çlirimtarëve perceptohet si padrejtësi ndaj Kosovës

Mërgim Lushtaku ka reaguar pas deklarimeve të Prokurorisë Speciale në Hagë, duke thënë se mënyra e paraqitjes së saj është përjetuar nga shumë qytetarë si e njëanshme dhe në dëm të Kosovës. Sipas tij, kërkesa për dënime që arrijnë deri në 180 vjet burg për ish-pjesëtarë të Ushtrisë Çlirimtare të Kosovës ka shkaktuar reagime dhe pakënaqësi të shumta, përcjellë Drenica Press.
Lushtaku theksoi se Lufta Çlirimtare erdhi si pasojë e, siç u shpreh ai, padrejtësive dhe dhunës së ushtruar nga aparati shtetëror i Serbisë gjatë regjimit të Sllobodan Millosheviqit. Ai kujtoi vuajtjet e qytetarëve të Kosovës gjatë luftës, duke përmendur dëbimet, maltretimet dhe masakrat që, sipas tij, arritën përmasa gjenocidi.
“Shumë prej nesh u detyruan të mbrojnë familjet dhe shtëpitë e tyre. Disa luftuan, shumë u dëbuan, shumë u maltretuan, e shumë u masakruan,” ka deklaruar ai, duke shtuar se ndërhyrja ndërkombëtare ndodhi për arsye humanitare pasi situata ishte bërë e papërballueshme.
Ai shprehu bindjen se një pjesë e qytetarëve besojnë se prokuroria nuk ka vepruar në frymën e drejtësisë dhe të ligjeve të Kosovës, por se po zbatohet një agjendë që, sipas tij, synon ta njollosë Kosovën.
Në fund, Lushtaku bëri të ditur se do t’i bashkohet protestës së paralajmëruar më 17 shkurt, në përvjetorin e shpalljes së pavarësisë së Kosovës, duke e cilësuar atë si një reagim qytetar në mbrojtje të luftës çlirimtare.
“Drejtësi për Çlirimtarët!”, përfundon reagimi i ti