Kryetari i PDK-së, Memli Krasniqi, ka vizituar sot Drenasin, ku së bashku me kandidatin për kryetar të komunës, Petrit Hajdari, ka takuar Kryesinë dhe ekipin e fushatës.
Krasniqi ka përgëzuar strukturat e PDK-së për mobilizimin e tyre dhe për tubimin madhështor të mbajtur ditë më parë, i cili sipas tij i ka dhënë drejtim të qartë fitores më 12 tetor.
“Energjia dhe përkushtimi që po shoh në Drenas është garancia më e madhe se fitorja është e pashmangshme,” tha Krasniqi, duke theksuar mbështetjen e plotë për Petrit Hajdarin si kryetar i ardhshëm i Drenasit.
