Mega projekti ‘Kanali i Stambollit’, që do të lidhë Detin Marmara dhe Detin e Zi, do të jetë komponenti më i rëndësishëm i Korridorit të Mesëm, rrugës tregtare që lidh Evropën dhe Azinë, raporton Anadolu Agency (AA).
‘Kanali i Stambollit’ është një nga mega projektet më strategjike të Turqisë, që ka për qëllim të reduktojë rreziqet e mundshme që paraqiten nga anijet që transportojnë mallra të rrezikshme përmes ngushticës së Bosforit.
Ndërtimi i ‘Kanalit të Stambollit’, që do të ketë një kapacitet kalimi prej 185 anijeve në baza ditore, pritet të përfundojë në vitet 2025-2026.
Kanali i planifikuar me një gjatësi prej 45 kilometrash do të ndërtohet në perëndim të qendrës së qytetit, në anën evropiane të Stambollit.
Në fillim të muajit prill, presidenti turk, Recep Tayyip Erdoğan, tha se ata kryesisht kanë përfunduar përgatitjen e tyre të mega projektit, të cilin e quajti “projekti më i madh dhe më strategjik i infrastrukturës së vendit”.
