Shumëkush ka mbetur i çuditur sot kur ka parë listën e përfaqësueses së Kosovës për ndeshjen kundër Turqisë, pasi në listë mungonin disa emra lojtarësh të talentuar të cilët zakonisht ishin grumbulluar me këtë përfaqësuese dhe disa prej tyre kishin luajtur rregullisht në fushën e lojës.
Trajneri Bunjaki bëri të ditur se disa prej tyre do të bëheshin pjesë e përfaqësueses U-21 të Kosovës për ndeshjen që ajo luan kundër Norvegjisë, pasi me Kombëtaren A do ta kishin të pamundur të gjenin hapësira.
Ajo që bie në sy është se një prej emrave që kanë kaluar te U-21 është edhe sulmuesi i talentuar Bersant Celina, ndër të parët që iu bashkua projektit të Bunjakit, por që me sa duket detyrohet t’u bëjë vend emrave më të njohur dhe për të luajtur rregullisht do t’u bashkohet Shpresave.
Lista e Kosovës
Visar Beka, Ardit Nika, Betim Halimi, Kamer Krasniqi, Ardian Ismajli, Drilon Tejeci, Rron Statovci, Arian Kabashi, Besfort Kolgeci, Rron Broja, Albert Dabiqaj, Kushtrim Shabani, Ylber Maloku, Florent Hasani, Almir Ajzeraj, Bersant Celina, Adenis Shala, Mendurim Hoti, Ardit Gashi, Valmir Sulejmani.
