Pas dorëheqjes së kryesisë së Drenicës ka mbetur i vetëm në klub dhe po has në vështirësi për të organizuar ndeshjen e fundit të stinorit vjeshtor përballë Lirisë.
Ky është sekretari i klubit, Granit Koci, i cili po mundohet të gjejë një zgjidhje për ndeshjen me Lirinë.
Kjo pasi kushtet atmosferike po e përjashtojnë stadiumin “Bajram Aliun” në çdo formë për tu luajtur ndeshja.
Kështu Koci, ka thënë se ndeshja mund të zhvillohet në Mitrovicë.
“Është shumë e vështirë të punohet i vetëm në klub, por po mundohem të bëjë më të mirën e mundshme”.
“Kushtet atmosferike e pamundësojnë zhvillimin e ndeshjes në Skenderaj. Është pothuajse e pamundur ndaj po shqyrtojmë mundësinë që ndeshjen ta zhvillojmë në “Riza Lushta” të Mitrovicës”, deklaroi Koci për Gazetasheshi.
Dueli ndërmjet Drenicës dhe Lirisë pritet të zhvillohet të shtunën me fillim nga ora 13:00, ndërkohë që nesër (e premte) pritet të vendoset në lidhje me lokacionin se ku do luhet ndeshja.
