Në Gjykatën Themelore të Prishtinës është duke u mbajtur seanca, ku palë paditëse është kryetari i Bashkësisë Islame të Kosovës, Naim Tërnava, ndërsa i padituri Emin Behrami nga Vushtrria.
Behrami, më 11 prill 2019 kishte ushtruar kallëzim penal ndaj shefit të Bashkësisë Islame të Kosovës me pretendimet se në vitin 2002 i ka vjedhur 300 mijë marka gjermane.
Në këtë seancë mungoi pala paditëse Naim Tërnava, por atë e përfaqësuan avokatët Nasuf Hasani dhe Arben Geci.
Në padinë e Tërnavës, të cilën e posedon “Front Online”, thuhet se si drejtor i Medresesë nuk kishte përgjegjësi ta ruaj objektin natën dhe njëkohësisht nuk kishte as autorizime që të tërhiqte para nga banka dhe për këtë gjë ishte i autorizuar ekonomisti në kuadër të BIK-ut, Rrustem Spahiu, përcjell FronOnline.Tërnava, nëpërmjet përfaqësuesit ligjor, Nasuf Hasani, ka kërkuar nga Behrami 500 mijë euro dëmshpërblim, siç ka thënë ai, për kompensim të dëmit material si pasojë e shpifjes dhe fyerjes.
