Ministria e Shëndetësisë e Maqedonisë së Veriut njoftoi se 36 raste të reja me koronavirusin e ri (COVID-19) janë konfirmuar në vend në 24 orët e fundit, duke e çuar numrin e përgjithshëm të të diagnostikuarave në 1.622 që nga fillimi i epidemisë, transmeton Anadolu Agency (AA).
Sipas një deklarate të ministrisë, një person ka humbur jetën nga virusi në 24 orët e kaluara, me çka numri i viktimave në vend shkon në 91.
Sot, Instituti i Shëndetit Publik ka regjistruar 13 pacientë të shëruar dhe deri tani, gjithsej 1.112 pacientë e kanë mposhtur virusin.
Ministria e Shëndetësisë njoftoi gjithashtu se në 24 orët e kaluara, janë kryer 411 teste për COVID-19 dhe se gjithsej 18.821 testime janë kryer në vend deri më tani.
Numri i rasteve aktive në Maqedoninë e Veriut është 419.
