Manchester City nuk heq dorë nga Enzo Fernández, Chelsea mund ta rrisë çmimin pas afatit të humbur
Manchester City vazhdon të jetë i interesuar për Enzo Fernández, pavarësisht se nuk e shfrytëzoi afatin e vendosur nga Chelsea për të paraqitur ofertë zyrtare. Mesfushori argjentinas mbetet një nga objektivat kryesore të Cityt, që po kërkon përforcime të rëndësishme në mesfushë para mbylljes së merkatos.
Chelsea kishte vendosur të premten e kaluar, në orën 17:00, si afatin e fundit për klubet që dëshironin të negocionin mbi bazën e një vlere prej rreth 120 milionë paundësh.
Manchester City, megjithatë, nuk paraqiti ofertë me shkrim brenda këtij afati, duke ia kthyer avantazhin në negociata klubit londinez.
Sipas “Sky Sports”, interesimi i Cityt nuk është zbehur dhe kampionët anglezë vazhdojnë ta monitorojnë nga afër situatën e 25-vjeçarit.
Chelsea tani mund të kërkojë edhe më shumë
Mundësia që Enzo Fernández të largohej për shumën prej 120 milionë paundësh, e cila raportohet se ishte diskutuar më herët me përfaqësuesit e lojtarit, tashmë konsiderohet e mbyllur.
Nëse Manchester City vendos ta intensifikojë ofensivën para mbylljes së afatit kalimtar më 1 shtator, Chelsea mund të kërkojë një shumë edhe më të lartë.
Klubi nga “Stamford Bridge” nuk është nën presion për ta shitur argjentinasin dhe do të shqyrtonte largimin e tij vetëm në rast të një oferte jashtëzakonisht të lartë.
Fishkëllimat në “Stamford Bridge” shtojnë pikëpyetjet
Situata e Fernández është bërë edhe më interesante pas miqësores së fundit parasezonale të Chelseat.
Në fitoren 3-1 ndaj Real Sociedadit, argjentinasi u aktivizua në pjesën e dytë, por u prit me fishkëllima nga një pjesë e tifozëve vendas.
Pavarësisht këtij reagimi, trajneri i ri i Chelseat, Xabi Alonso, raportohet se e vlerëson shumë Fernández për cilësitë teknike dhe fleksibilitetin taktik.
Klubi synon ta mbajë kampionin e botës, përveçse nëse mbërrin një ofertë aq e madhe sa t’i mundësojë drejtuesve të riinvestojnë fuqishëm në skuadër.
Largimi i Rodrit krijon boshllëk të madh te City
Interesimi i Manchester Cityt për Fernández lidhet edhe me ndryshimet e mëdha që po ndodhin në mesfushën e skuadrës.
Lexo edhe“Ujku” i vjetër në La Liga, Auba e nis fuqishëm sezonin
Rodri është pranë largimit nga “Etihad Stadium”, pasi pritet t’i nënshtrohet testeve mjekësore te Barcelona për një transferim me vlerë rreth 65.4 milionë paundë.
Oferta e tretë e klubit katalanas është konsideruar shumë e mirë për t’u refuzuar, veçanërisht pasi mesfushorit spanjoll i kishte mbetur vetëm një vit kontratë me Cityn.
Largimi i tij do të ishte një humbje e madhe për Enzo Marescan, i cili e konsideronte Rodrin element qendror të sistemit të tij.
Edhe Reijnders drejt largimit
Rodri nuk është i vetmi mesfushor që pritet të largohet.
Tijjani Reijnders është gjithashtu pranë transferimit te klubi saudit Al Qadsiah, në një marrëveshje që raportohet se kap vlerën e rreth 51 milionë paundëve.
Me disa largime të rëndësishme në mesfushë, City është detyruar të punojë paralelisht në disa pista.
Bouaddi tjetër objektiv i rëndësishëm
Manchester City po negocion edhe me Lille për mesfushorin maroken Ayyoub Bouaddi.
Klubi francez kërkon rreth 85 milionë paundë, ndërsa trajneri Davide Ancelotti ka konfirmuar se bisedimet mes palëve janë në zhvillim.
Megjithatë, ndjekja e Bouaddit nuk do të thotë se City ka hequr dorë nga Enzo Fernández.
Sipas raportimeve të Ben Jacobs, drejtuesit e klubit anglez vazhdojnë ta shohin argjentinasin si një transferim të nivelit të lartë që mund të ndryshojë menjëherë fizionominë e mesfushës.
City e humbi afatin e parë të Chelseat, por gara për Enzo Fernández duket larg përfundimit. Nëse kampionët anglezë vendosin të rikthehen me ofertë konkrete, këtë herë mund të përballen me një çmim edhe më të lartë se 120 milionë paundë. /GazetaExpress/
