Komuna e Skenderajt ka bërë të ditur se nesër (e mërkurë) më 31.05.2017, në ora 13:00, në fshatin Makërmal mbahet ceremonia e vënies së gurthemelit të objektit të ri të shkollës “Elena Gjika” të këtij fshati.
Ceremonia mbahet në Makërmal në oborrin e shkollës së vjetër të këtij fshati dhe në të pritet të marrin pjesë përfaqësues institucionalë, nxënës, mësimdhënës dhe banorë të Makërmalit.
Projekti i ndërtimit të objektit të shkollës “Elena Gjika” në Makërmal financohet nga Komuna e Skenderajt. /Drencia Press/
