Gjendja e lumenjve në Kosovë po vazhdon të jetë mjaftë shqetësuese në tërë territorin e Kosovës. Një gjendje jo e mirë po vërehet edhe në lumin Drenica.
Bëhet e ditur se një pjesë e madhe e këtij lumi është mbuluar nga mbeturina të shumta. Duke ju referuar një burimi të drenicapress.info, pjesa e lumit që kalon në fshatrat e Drenasit, nga Gllobari deri në Baicë është mbuluar nga mbeturinat e shumta, pasi edhe vet banorët e atyre anëve po i hedhin mbeturinat në lumë, njofton drenicapress.info
Edhe pse kompania e cila merret me menaxhimin e mbeturinave në komunën e Drenasit po i kryen obligimet e veta, duke marrë bërllokun çdo javë nëpër shtëpi të këtyre fshatrave, po janë vet banorët e atyre anëve që po ndotin lumin, duke i dhënë një pamje të mjerueshme dhe duke rrezikuar shumë gjallesa ujore. /Drenica Press/
