Kryeprokurori i Shtetit, Aleksandër Lumezi, i pyetur nga gazetarët nëse aksioni do të vazhdojë edhe në Veriun e Mitrovicës ka thënë se një gjë e tillë do të ndodh.
“Sigurisht që aksioni do të kyçet edhe në pjesën Veriore por për ato detaje mund të flet majori Havolli”, ka thënë Lumezi.
Për këtë, drejtori i hetimeve për korrupsion dhe krime financiare, Shaip Havolli, ka thënë se aksioni do të vazhdojë edhe në pjesën Jugore e Veriore të Mitrovicës.
“Këto hetime nuk janë veç për Prishtinë e Ferizaj, dhe këtu hynë edhe Mitrovica jugore e veriore. Ne kemi pasur takime edhe me kryeprokurorin e Mitrovicës, por në pjesën Veriore ka qytetarë që po lidhin marrëveshje me AKP’në”, ka thënë Havolli.
“Disa prona janë edhe në procedurë civile dhe duhet të pritet përfundimi i procedurave civile pastaj fillon penalja” ka vazhdua Lumezi.
