ormimi i Ushtrisë̈ Çlirimtare të Kosovës ishte domosdoshmëri e kohës. Krahas vendeve tjera, kjo ushtri është shtrirë edhe në rajonin e Shalës së Bajgores, ku u formua zona Operative e Shalës, Brigada 141 “Mehë Uka”, raporton emisioni #gjesi në T7.
Nëpër këto dyer e këto korridore kanë kaluar mbi 1.200 ushtarë të Zonës së Shalës, ku më vonë ky vend do t’i priste edhe ushtarët e Zonës së Llapit.
Ky objekt i cili është̈ dëshmitar i shumë ngjarjeve gjatë luftës, është̈ shfrytëzuar për shumëçka.
Në katin e parë, atë̈ kohë ka qenë një depo e armatimeve, kuzhina ku ushtarët hanin vaktet e bukës, e që për dikë ishte i fundit.
Po ashtu, në ketë̈ kat kanë qenë edhe zyrat e eprorëve të ushtarëve.
Ndërsa, në katin e dytë kanë qenë dhomat e ushtarëve. Në një dhomë kanë bërë gjumë 10 ushtarë.
Mustafë Ibishi, i cili në atë kohë ka qenë vetëm 18 vjeç, i ka takuar Njësisë Speciale të Brigadës. Edhe pse i ri në moshë, dashuria e madhe për vendin ka bërë që ai të mos dorëzohet.
Tash pas 2 dekadave, ai rrëfen se si për një kohë të gjatë nuk e kishte takuar fare familjen.
Ndërkaq, Emin Musa, i cili ishte ndihmëskomandant për personel, tregon se si për asnjë̈ moment nuk i ka lënë̈ ushtarët vetëm.
Por, përjetimi i tij më i rëndë̈ ishte kur iu plagos rëndë̈ djali gjatë luftës.
Musa, më pas rrëfen momentin kur arriti në spital për ta parë djalin me sytë̈ e tij. Lulin e kishin plagosur bashkë me një̈ ushtar nga Zona e Llapit, raporton emisioni #gjesi në T7.
Edhe kjo shkolle,̈ e cila gjendet në fshatin Bajgorë, ka shërbyera si kazermë ushtarake që nga shtatori i 1998-s deri më një maj të ’99-s.
Në këtë hapësirë̈ gjeografike e zhvilloi aktivitetin luftarak Zona Operative e Shalës, e cila kufizohej me Zonën Operative të Drenicës dhe Zonën Operative të Llapit.
Rrëfimet mbeten dëshmia e gjallë e asaj që populli i Kosovës ka përjetuar gjatë luftës. Emocioni është̈ pjesë e pashmangshme e secilit që i ka jetuar ato ditë.
