Kryetari Lladrovci priti në takim “Miss Univese Kosova 2018”, Rreze Dautaj
Kryetari i Komunës së Drenasit, Ramiz Lladrovci, të martën ka pritur në takim bukuroshen nga Drenasi, Rreze Dautaj e cila rrëmbeu titullin e “Miss Universe Kosova 2018” në konkursin e bukurisë të mbajtur para disa ditësh në Kosovë.
Kryetari Lladrovci ka përgëzuar bashkëvendësen për marrjen e këtij çmimi dhe ka thënë se Rrezja përfaqëson tërë bukurin magjike të vajzave tona.
Me poshtë gjeni postimin e kryetari Lladrovci në rrjetin social:
Sot, me kënaqësi kam pritur në takim, fituesen e garës në Kosovë për Miss World, Rreze Dautaj, vajza jonë nga komuna e Drenasit, e cila përfaqëson tërë bukurinë magjike të vajzave tona.
Presim që në Kinë, Rrezja të përfaqësoj sa më denjësisht bukurinë, në mesin e bukurosheve të botës. Edhe pse Rrezja me prindërit shqiptar, është e rritur në Suedi, kurrë nuk e harroi Kosovën dhe është krenare se është shqiptare nga Drenica.
Në emër të qytetarëve të Drenasit, ia dhashë mirënjohjen e cila shpreh respektin tonë për të, prezantimin e saj kudo që punon dhe angazhohet si vajzë krenare e Drenicës.
Krenar me Ty Rreze. Suksese!
