Në kuadër të bashkëbisedimit mes Komunës së Drenasit dhe donatorit Fatmir Baliu nga fshati Shtuticë, sot Kryetari i Komunës së Drenasit, Ramiz Lladrovci dhe donatori Fatmir Baliu kanë nënshkruar marrëveshje bashkëpunimi për financimin e bursave për dy (2) studentë të Komunës së Drenasit.
Në kuadër të kësaj marrëveshje, donatori Fatmir Baliu financon dy (2) bursa për studentët e Komunës së Drenasit për vitin akademik 2017-2018, ku vlera e një burse është 500 (pesëqind) euro.
Kujtojmë se Komuna këtë vit ka ndarë 80 bursa prej tyre 70 janë për nivelin baechelor, ndërsa 10 për nivelin master dhe 20 bursa prej donatorëve. Konkursi ka qenë publik i shpallur me 28.09.2017 dhe në bazë të kritereve të konkursit janë përzgjedhur të gjithë përfituesit e bursave si nga Komuna ashtu edhe nga donatorët.
