Kryetari i komunës së Drenasit, Ramiz Lladrovci, është takuar sot me ministrin e Infrastrukturës, Pal Lekajn.
Lladrovci dhe Lekaj kanë nënshkruar marrëveshje për financimin e tri projekteve tre vjeçare, për komunën e Drenasit, me vlerë 1.200,000 euro.
“Sot, me Ministrin e Infrastrukturës, Pal Lekaj, kam nënshkruar marrëveshje për financimin e tri projekteve tre vjeçare, për komunën tonë, me vlerë 1.200,000 euro”, ka thënë Lladrovci.
I pari i Drenasit ka shtuar se së shpejti do të nënshkruhet edhe marrëveshja edhe për financimin e e një projekti në vlerë prej 1.300,000 euro.
“Presim që ditëve në vijim të nënshkruajm edhe një aneks marrëveshje për financimin e projektit për rrugën Kroni i Mbretit në drejtim të Drenasit në vlerën prej 1.300,000 euro, pa i llogaritur mjetet e ndara edhe për rrugën me katër korsi, Polluzhë-Drenas-Komoran”, ka shtuar Lladrovci./Drenicapress.info
