Deputeti i LDK-së, Arben Gashi është deklaruar në lidhje me takimin mes Albin Kurtit dhe Fatmir Limajt.
Ai për këtë takim dhe çdo takim tjetër mes kryetarëve të partive politike, ai ka thënë se e konsideron pozitive por që kandidaturën e Limajt për kryetar të parlamentit, Gashi ka thënë se LDK nuk e voton.
“Nuk e votojmë kandidaturën e Fatmir Limajt për kryetar të Kuvendit. Unë personalisht mendoj se është situatë pak më e komplikuar për Limajn për kryetar kuvendi, nuk është diskutuar në kryesi të partisë për këtë, por qëndrimi i LDK-së është që nuk votohet një kandidat që nuk është i LDK-së. Lista e zezë e këto problemet që i ka, e bëjnë pak problematike për kryetar të Kuvendit përndryshe për pozicionet tjera do të ishte normalitet që të ishte pjesë e politikës. Duhet të gjendet zgjidhje, nuk ka opsion tjetër përveç zgjidhjes”, ka thënë Gashi. /Lajmi.net/
